Psalms Chapter 135 - መዝሙረ ዳዊት | EOTC Bible

¹እግዚአብሔርን አመስግኑ ቸር ነውና ምሕረቱ ለዘለዓለም ነውና ²የአማልክትን አምላክ አመስግኑ ምሕረቱ ለዘለዓለም ነውና ³የጌታዎችን ጌታ አመስግኑ ምሕረቱ ለዘለዓለም ነውና ⁴ርሱ ብቻውን ታላቅ ተኣምራትን ያደረገ ምሕረቱ ለዘለዓለም ነውና ⁵ሰማያትን በብልኀት የሠራ ምሕረቱ ለዘለዓለም ነውና ⁶ምድርን በውሃ ላይ ያጸና ምሕረቱ ለዘለዓለም ነውና ⁷ብቻውን ታላላቅ ብርሃናትን የሠራ ምሕረቱ ለዘለዓለም ነውና ⁸ለፀሓይ ቀንን ያስገዛው ምሕረቱ ለዘለዓለም ነውና ⁹ለጨረቃና ለከዋክብትም ሌሊትን ያስገዛቸው ምሕረቱ ለዘለዓለም ነውና ¹⁰ከበኵራቸው ጋራ ግብጽን የመታ ምሕረቱ ለዘለዓለም ነውና ¹¹እስራኤልንም ከመካከላቸው ያወጣ ምሕረቱ ለዘለዓለም ነውና ¹²በጸናች እጅ በተዘረጋችም ክንድ ምሕረቱ ለዘለዓለም ነውና ¹³ቀይ ባሕርን በየክፍሉ የከፈለ ምሕረቱ ለዘለዓለም ነውና ¹⁴እስራኤልን በመካከሉ ያሳለፈ ምሕረቱ ለዘለዓለም ነውና ¹⁵ፈርዖንንና ሰራዊቱን በቀይ ባሕር የጣለ ምሕረቱ ለዘለዓለም ነውና ¹⁶ሕዝቡን በምድረ በዳ የመራ ምሕረቱ ለዘለዓለም ነውና ¹⁷ታላላቅ ነገሥታትን የመታ ምሕረቱ ለዘለዓለም ነውና ¹⁸ብርቱዎችንም ነገሥታት የገደለ ምሕረቱ ለዘለዓለም ነውና ¹⁹የአሞራውያንን ንጉሥ ሴዎንን ምሕረቱ ለዘለዓለም ነውና ²⁰የባሳንን ንጉሥ ዐግን ምሕረቱ ለዘለዓለም ነውና ²¹ምድራቸውን ርስት አድርጎ የሰጠ ምሕረቱ ለዘለዓለም ነውና ²²ለባሪያው ለእስራኤል ርስት ምሕረቱ ለዘለዓለም ነውና ²³እኛን በመዋረዳችን ዐስቦናልና ምሕረቱ ለዘለዓለም ነውና ²⁴ከጠላቶቻችንም እጅ አድኖናልና ምሕረቱ ለዘለዓለም ነውና ²⁵ለሥጋ ዅሉ ምግብን የሚሰጥ ምሕረቱ ለዘለዓለም ነውና ²⁶የሰማይን አምላክ አመስግኑ ምሕረቱ ለዘለዓለም ነውና

መዝሙረ ዳዊት 135

ሃሌ ሉያ።