Enoch Chapter 2 - መጽሐፈ ሄኖክ | EOTC Bible

¹የሰው ልጆች ከበዙ በኋላ እንዲህ ሆነ። ²በእነዚያ ወራት መልከ መልካሞችና ደመ ግቡዎች ሴቶች ልጆች ተወለዱላቸው። የሰማይ ልጆች መላእክትም ³እርስ በርሳቸውም- “ኑ ለእኛ ከሰው ⁴አለቃቸው ስማዝያ- “እኔስ ይህ ሥራ ይሠራ ዘንድ ምናልባት አትወድዱ እንደ ሆነ እፈራለሁ። የዚህችም ታላቅ ኀጢኣት ፍዳ ተቀባይ እኔ ብቻ እሆናለሁ” አላቸው። ⁵“ይችን ምክር እንዳንለውጣት፥ ይችንም ምክር ቁም ነገር እንድናደርጋት ሁላችን መሐላ እንማማል፤ እርስ በርሳችንም እንወጋገዝ” ብለው ሁሉም መለሱለት። ⁶ያንጊዜም ሁሉም አንድ ሆነው ማሉ፤ እርስ በርሳቸውም በነገሩ ተወጋገዙ፤ ሁሉም ሁለት መቶ ሆኑ። ⁷አርዲስ ወደሚባል ቦታም ወረዱ፤ ይኸውም የኤርሞን ተራራ ራስ ነው። እርስ በርሳቸው ተወጋግዘው ምለውበታልና የኤርሞን ተራራ ብለው ጠሩት። ⁸የአለቆቻቸውም ስሞች ይህ ነው፤ አለቃቸው ስማዝያ፥ ዑራኪ፥ በራምኤል፥ ኮከቢኤል፥ ጣምኤል፥ ራሙኤል፥ ዳንኤል፥ ኢዜቂኤል፥ ሱሩቃያል፥ አሣኤል፥ አርማሮስ፥ በጥርኤል፥ አናንኤል፥ ዘቄቤ፥ ሳምሳፒኤል፥ ሰርትኤል፥ ጡሩኤል፥ ዮምያኤል፥ አራዝያል፤ የሁለቱ መቶ መላእክት አለቆች እኒህ ናቸው፤ ሌሎቹም ሁሉ ከእነሱ ጋር ነበሩ። ⁹ለራሳቸውም ሚስቶችን አገቡ፤ ሁሉም ለየራሱ አንድ አንድዋን መረጠ። ¹⁰ወደ እነርሱም ይገቡ ዘንድ ጀመሩ፤ ከእነርሱም ጋር አንድ ሆኑ። ¹¹ሟርትንና ምታት ማሳየትን አስተማሯቸው። ሥር መማስንና ቅጠል መበጠስንም አመለከትWaቸው። ¹²እነርሱም ፀንሰው ረጃጅሞች ረዓይትን ወለዱ። ቁመታቸው ሦስት ሦስት ሺህ ክንድ ነበር። ¹³እነዚህም ሰዎች እነርሱን መመገብ እስኪሳናቸው ድረስ ሰው የደከመበትን ሁሉ በሉ። ¹⁴ረዓይትም ሰዎችን ይበሏቸው ዘንድ ተመለሱባቸው። ¹⁵በወፎችና በአራዊት፥ በሚንቀሳቀሱና በዓሣዎችም ይበድሉ ዘንድ ጀመሩ። ¹⁶እርስ በርሳቸውም ሥጋቸውን ተባሉ፤ ከእርሷም ደምን ጠጡ። ¹⁷ያንጊዜም ምድር ዐመፀኞችን ከሰሰቻቸው። ¹⁸አዛዝዔልም ለሰዎች ሰይፍና ሾተል፥ ጋሻና ጥሩር መሥራትን አስተማራቸው። ¹⁹ከእነርሱም በታች ላሉት አምባሮችን፥ ጌጥን፥ ዐይን መኳልንና ቅንድብ መሸለልን፥ ከተመረጠና ከከበረ ከዕንቍም ሁሉ በከበረውና በተመረጠው ዕንቍ ማጌጥን፥ እንሶስላ መሞቅን ሁሉና የዓለሙን ለውጥ አሳያቸው። ²⁰ታላቅ ዝንጋዔና ብዙ ዝሙትም ተደረገ። ሳቱ፤ አመነዘሩም፤ መንገዳቸውም ሁሉ ጠፋ። ²¹አሚዛራክ ምታት ማሳየትን፥ ሥር መማስን ሁሉ አስተማረ። አርማሮስም ጋኔን መሳብን አስተማረ። ²²በራቅኤልም ኮከብ መቍጠርን አስተማረ። ²³ኮከብኤልም ምልክት ማሳየትን አስተማረ። ²⁴ጥሞኤልም ኮከብ መቍጠርን አስተማረ። ²⁵አስራድኤልም የጨረቃን አካሄድ አስተማረ። ²⁶በሰዎችም ጥፋት ሰዎች ጮኹ፤ ቃላቸውም ወደ ሰማይ ደረሰ። ²⁷ያንጊዜም ሚካኤልና ገብርኤል፥ ሱርያልና ዑራኤል በሰማይ ሆነው ጐበኙ። ²⁸በምድር ላይ የሚፈስሰውን ብዙ ደምና በምድር ላይ የሚደረገውን ግፍ ሁሉ አዩ። ²⁹እርስ በርሳቸውም በጩኸታቸው ድምፅ እንዲህ አሉ- “ምድር ብቻዋን እስከ ሰማይ በር ጮኸች። ³⁰አሁንም የሰማይ ቅዱሳን ሆይ፥ የሰዎች ነፍሳት ፍርድን ወደ እግዚአብሔር አግቡልን እያሉ እናንተን ይማጠናሉ። ³¹ለጌታቸው ለንጉሡም እንዲህ አሉት- የጌቶች ጌታ፥ የአማልክት አምላክ፥ የነገሥታትም ንጉሥ አንተ ነህና። ³²የጌትነትህም ዙፋን ለልጅ ልጅ ዘመን ለዘለዓለም ነው። ስምህም ለልጅ ልጅ ዘመን ቅዱስና ክቡር የተመሰገነም ነው። አንተም ክቡር ምስጉን ነህ። ³³ሁሉንም አንተ ፈጠርህ፤ የሁሉም ሥልጣን ከአንተ ጋር ነው፤ ሁሉም በፊትህ ፈጽሞ የተገለጠ ነው። ³⁴አንተም ሁሉን ታያለህ፤ ከአንተም ሊሰወር የሚቻለው የለም። ³⁵“አዛዝኤል በምድር ላይ ግፍን ሁሉ እንደ አስተማረ፥ በሰማያት የሚሠሩትን፥ በዓለም የተሰወሩትን ሁሉ እንደ ገለጠ፥ ያደረገውን እይ። ³⁶“ከእርሱ ጋር በአንድነት ያሉትን ይገዛ ዘንድ አንተ ሥልጣን የሰጠኸው ስማዝያም ምታት ማሳየትን እንደ አመለከተ፥ ³⁷በአንድነትም ወደ ሰው ሴቶች ልጆች እንደ ሄዱ፥ ከእነዚያም ሴቶች ጋር እንደ ተኙ፥ እንደ ረከሱ፥ እኒህንም ኀጢአቶች እንደ ገለጡላቸው፥ ³⁸ሴቶችም ረዓይትን እንደ ወለዱ፥ በዚህም ምድር ሁላ ደምንና ግፍን እንደ ተመላች እይ። ³⁹አሁንም እነሆ፥ የሞቱት ሰዎች ነፍሳት ይጮኻሉ፤ እስከ ሰማይ ደጅም ድረስ ይከስሳሉ። ⁴⁰ጩኸታቸውም ወጣ። በምድር ላይ ከሚሠራው ዐመፅ ፊትም መውጣት አይችሉም። ⁴¹አንተም ሳይሆን ሁሉን ታውቀዋለህ፤ ይህንና የእነርሱንም አንተ ታውቀዋለህ። ⁴²የምትነግረንም ነገር የለም። ስለዚህም ምን እናደርጋቸው ዘንድ ይገባል?”

መጽሐፈ ሄኖክ 2