Enoch Chapter 19 - መጽሐፈ ሄኖክ | EOTC Bible

¹በዚያችም ቀን ቅዱስ ሚካኤል ለቅዱስ ሩፋኤል እንዲህ ብሎ መለሰለት- “የመንፈስ ኀይሉ ነጥቆ ይወስደኛል። ²ለአለቆች ቅጣት ስለ ተሰወረችው ስለ ፍርድ ጭንቀትም ያበሳጨኛል። ³ስትሠራ የኖረችውን፥ እነርሱም በፊትWa የቀለጡባትን ጭንቀት መታገሥ የሚቻለው ማንነው?” ⁴ዳግመኛም ቅዱስ ሚካኤል ለሩፋኤል እንዲህ ብሎ መለሰለት- “በእርስዋ ላይ ልቡናውን የማያራራ ማን ነው? ⁵እንደዚህም ካወጧቸው ከእነዚያ በእነርሱ ላይ ከወጣች ከዚች የፍርድ ቃል የተነሣ ኵላሊቱ የማይታወክ ማን ነው? ⁶በመናፍስት ጌታ ፊት በቆመ ጊዜም እንዲህ ሆነ፤ ቅዱስ ሚካኤል ሩፋኤልን እንዲህ አለው- “የመናፍስት ጌታ ተቈጥትWaቸዋልና በጌታ ዐይን ምሕረት አይደረግላቸውም። ⁷በጌታ አምሳል ይሠራሉና፥ ስለዚህ ለዘለዓለሙ የተሰወረ ፍርድ ይመጣባቸዋል። ⁸እነርሱ ብቻ ፍርዳቸውን ለዘለዓለሙ ይቀበላሉ እንጂ መልአክም ቢሆን ሰውም ቢሆን የሌላውን ድርሻ አይቀበልምና።” ⁹ከዚህም ፍርድ በኋላ ያስደነግጧቸዋል፤ ያሳዝኗቸዋልም። በምድር ላይ ለሚኖሩ ሰዎች ይችን አሳይተዋልና። ¹⁰የእነዚያም መላእክት ስማቸው እነሆ፤ ስማቸውም ይህ ነው። ¹¹አለቃቸው ስማዝያ ነው፤ ሁለተኛውም አርስጢኪፋ ነው፤ ሦስተኛውም አርሚን ነው፤ አራተኛውም ኮከብኤል ነው። ¹²አምስተኛውም ጡርኤል ነው፤ ስድስተኛውም ሩምያል ነው፤ ሰባተኛውም ዳንኤል ነው፤ ስምንተኛውም ምቃኤል ነው፤ ዘጠነኛውም በረቃኤል ነው፤ ዐሥረኛውም አዛዝኤል ነው፤ ዐሥራ አንደኛውም አርማሮስ ነው፤ ዐሥራ ሁለተኛውም በጠርያል ነው። ¹³ዐሥራ ሦስተኛውም በሰሳኤል ነው፤ ዐሥራ አራተኛውም አናንያል ነው፤ ዐሥራ አምስተኛውም ጡርያል ነው፤ ዐሥራ ስድስተኛውም ሲምሳፓኤል ነው። ¹⁴ዐሥራ ሰባተኛውም ይትርኤል ነው፤ ዐሥራ ስምንተኛውም ቱማኤል ነው፤ ዐሥራ ዘጠነኛውም ጥራኤል ነው፤ ሃያኛውም ራሙኤል ነው፤ ሃያ አንደኛውም አዛዝኤል ነው። ¹⁵ያለቆቻቸው አለቆችም እኒህ ናቸው። ¹⁶የመቶ አለቃቸውና የአምሳ አለቃቸው፥ የዐሥር አለቃቸውም ስማቸው ይህ ነው- የመጀመሪያው ስሙ ይቆን ነው። ¹⁷የመላእክትን ¹⁸ሁለተኛው ስሙ አስብኤል ነው፤ ይህም ለቅዱሳን መላእክት ¹⁹ሦስተኛውም ስሙ ጋድርኤል ነው፤ በመምታት መግደልን ሁሉ ለሰው ልጆች ያስተማረ ይህ ነው። ²⁰ሔዋንንም ያሳታት እርሱ ነው፤ ለሰው ልጆችም የሞት መሣሪያን ጋሻንና ጥሩርን፥ ለግድያም ሰይፍን ያስተማረ እርሱ ነው። ²¹ለሰው ልጆችም የግድያ መሣሪያዎችን ሁሉ አስተማረ፤ ከዚያች ቀንም ጀምሮ እስከ ዘለዓለሙ ድረስ በምድር በሚኖሩ ሰዎች ላይ ይህ ሁሉ ከእርሱ ወጣ። ²²አራተኛውም ስሙ ፔንሙዕ ነው፤ ለሰው ልጆችም የመረረውንና የጣፈጠውን ያሳየ ይህ ነው። ²³የተሰወረ ጥበባቸውን ሁሉ አሳያቸው፤ ለሰዎችም በጥቁር ቀለምና በወረቀት መጽሐፍ መጻፍን አስተማራቸው። ²⁴ስለዚህም ነገር ከጥንት ጀምሮ እስከ ዘለዓለም፥ እስከዚችም ቀን ድረስ ብዙ ሰዎች ይስታሉ። እንደ መላእክት ጻድቃንና ንጹሓን ሆነው ይኖሩ ዘንድ ነው እንጂ ሰው ለእንደዚህ ያለ ሥራ አልተፈጠረም ነበርና፥ በቀይ ቀለምና በጥቁር ቀለምም ሃይማኖታቸውን ሊያጸኑ ሰው ለእንዲህ ያለ ሥራ አልተወለደም ነበርና። ²⁵ይህን በማወቃቸው ይጠፋሉ እንጂ ሁሉን የሚያጠፋ ሞት ባልዳሰሳቸውም ነበር። ²⁶ስለዚህም ኀይል ይበላኛል። ²⁷አምስተኛውም ስሙ ካሳድያዕ ነው፤ የነፍሳትንና የአጋንንትን ክፉ መማታትን ሁሉ ለሰው ልጆች ያሳየ እርሱ ነው። ²⁸ከማኅፀን ወጥቶ ይወድቅ ዘንድ ፅንስ ማስወረድንና ነፍስ መግደልን የአስተማረ እርሱ ነው። ²⁹በእባብ መነደፍንና በቀትር የሚሆን ምችን ተባዕ የሚባለው የእባብ ልጅ አስተማረ።

መጽሐፈ ሄኖክ 19